假期完左先發覺原來呢兩個幾星期無乜點休息過, 差唔多日日都出街咁滯.....

玩得真係好開心~~~~但....返工第一日......攰死左

今日levi's 一班fd do的同事一齊去邊邊爐~~~~ 一行十五人 ~~~ 最初真係驚攪唔成, 因為太家都好似無乜聲氣咁, 但係最後都去得成, 仲食得好開心tim~~~

去左譚魚頭~~~

食超巨蠔.....好正呀~~~

熟左變左麻辣蠔, 好味~~~

cindymama~~~love u so much, 鍾意同你傾計.......快d汁好你間房, 等我上黎傾心事呀, hahahhaha

人多呀, 分幾批影啦~~~

好食得的一班................女子~~~~~

今日教會有感恩分享會, 因為接近年尾, 仲有三日就到2009年, 大家都要為今年經歷神的地方去獻上感恩......呢個感恩分享會真係好感動, 真係好好....發覺原來自己都好愛樂恩..

聽到每一個弟兄姊妹的分享, 心入面真係好感動, 見到天父好多好多的恩典........睇返自己, 好似成日為一d雞毛蒜皮的事而唔開心, 煩惱, 講到自己好似好受傷害咁, 真係好慚愧......呢一年離開天父好遠, 唔識得依靠佢, 覺得自己好差, 離開左神, 真係做乜都無力, 亦都無左真正的喜樂.......但 ....

"壓傷的蘆葦, 祂不折斷, 將殘的燈火, 祂不會吹滅" (賽 42:3a)

"我必不撇下你, 也不丟棄你" (書1:5b)

好多謝天父, 雖然我咁唔聽話, 一而再, 再而三咁做左一d唔合神心意既嘢, 但天父無放棄我, 佢讓我身邊有好多好好的弟兄姊妹, 一路咁支持我, 我祈禱, 聽我講心事.....

有5個人我真係好想好想多謝的~~~~ 

好多謝kate姐

 ===> 多謝你一直都咁睇住我, 我唔開心就揾我傾計, 一路幫我, 又揾ellen同我傾計, 又不斷為我祈禱, 當所有人都指責我時, 你係唯一一個無鬧我, 無怪我既人, 雖然你知我唔生性, 知我任性, 但你仍然都對我咁好, 你係一個好好的組長, 我真係好愛你, 好多謝你

多謝helen姐

===> 咁多年黎, 你都係我的好好好好朋友, 無論發生咩事, 你都會响我身邊, 你會明白我, 又會支持我, 有咩都會預埋我, 我唔開心又會抽時間聽我傾心事, 响日記仔你的係留得最多言果個, 仲要每個都好有mean, 唔係hea留架, 我知你覺得我唔抵幫.....但最後你仍然都係支持我, 仍然都係企响我果邊, 好多謝你, 真係好多謝你, 將來我結婚, 伴娘一定留返比你!!!!

多謝 janice

===> 好多謝你.....响呢段時間你知我唔開心, 完左小組都陪我搭小巴, 又陪我行去我屋企果邊先搭車, 我知你其實好攰, 因為第二朝要勁早起身, 你隻眼又容易敏感, 但係你都陪我, 都聽我講心事, 又send sms比我, 雖然我好任性, 但係你都仍然支持我, 鼓勵我, 好多謝你, 真係好多謝你

多謝 ellen

===> 雖然我地之前唔識, 但係你好落力去幫我, 去聽我講, 雖然有時你都幾嚴肅, hahahah, 但係有時都好nice, 好鍾意同你傾計, 好多謝你....我知你對我硬d係為左要我成長, 我真係好多謝天父讓我可以認識你!!!

多謝 dada

===> 多謝你, 真係好多謝你, 天父讓我認識你, 你對我的好我全部都知道, 你令我好開心, 亦都令我好傷心, 都係因為大家都緊張對方, 你令我感到自己的重要.......一切.....盡在不言中啦~~~

其實仲有好多好多教會的朋友都想多謝,

多謝陳姑娘, 雖然成日都覺得陳姑娘對有點惡, 但我知其實佢一直都有為我祈禱, 同埋之前都有約我傾計, 關心我, 多謝你 ; 仲有大佬華, 大佬華之前真係好錫我, 好關心我, 幫左我好多, 好想我好, 真係對唔住, 之前成日令到你失望.......而家可以講的, 只係一句....sorry~~

仲有我親愛的組員們, candy, 嘉誠, 亞康, celia, denise, mini, 多謝你地所有的支持, 代禱, 同你地一齊去事奉真係好開心~~~

今日亞如都有關心我, 問下我近期的事, 一個擁抱令我感到好温暖, 好多謝你的關心~~

我真係好愛你地每一個, 好多謝天父比一班咁好的弟兄姊妹响我身邊, 陪住我成長~~~

2009年我唔會再好似08年咁樣只係識得唔開心, 新的一年我一定要更加多去親近神, 要凡事倚靠天父, 唔再自怨自艾, 要做一個喜樂的人, 要努力事奉, 更加努力去嘗試投入敬拜小組, 响生活入面要做一個好的見証!!!!!

今日唱所有詩歌都好感動我~~~

我們呼求
主我們同心在祢面前　以禱告尋求祢面　我們轉離所有的惡行　定意單單跟隨祢
１主我們是屬祢的子民　求賜下父神的心　我們要回轉向祢父神　也要看見復興
２主我們國家是屬於祢　求祢來掌管全地　願祢來憐憫醫治這地　榮耀再次降臨

我們呼求祢　阿爸父　設立祢寶座在這裡　
祢必睜眼看側耳垂聽　奉主名的呼求
萬民都要來敬拜祢　榮耀高舉祢的聖名
復興這地全能的君王　我們歡迎祢

伴我成長

1. 沒法抓緊光陰片刻分秒，沒法猜測身邊聚合散離，
   但我感激恩主給我友伴，在這匆匆一生添意義。
2. 是你珍惜彼此每刻相處，樂困甘苦始終伴在我旁，
   願意彼此關心寬恕接納，實踐基督降生的真理。
   同攜手闊步踏上天路行，令我心灼熱是你的真摯，
   祈求主記念祝福這段、這段情誼不變。
3. 沒法抓緊光陰片刻分秒，沒法猜測身邊聚合散離，
   但我感激恩主得作伴，令我匆匆這生添溫暖。

今個聖誕節過得幾開心.......每日都有令我玩得開心的節目.....真好哦~~~

12月23日同dada去影下相....食下飯....交換禮物....好開心哦....

放左工之後就去左食和花亭.....好味呢, 食左好多好多

但其實好多阻滯, 哈哈哈, 因為食完晚飯去到中環, 點知係完全無聖誕氣氛, 連聖誕樹都熄左燈!!!!!! 因為我地太夜過去喇, 聖誕樹11點己經熄左燈, 我地11點幾先去到.....果下真係o晒咀, 唔知點算好, 諗住影下靚相架麻.....於是我地決定上山頂, 但當我地上到山頂己經11點45分喇, hahahhaha......尾班車落山係12點.....咁我地就是但影左幾張相, 就走喇..hahaha

之後我地仲去左食宵夜, 成3點幾先返屋企, 好攰, 但好開心~~~

最開心係交換禮物, 收到你的禮物好開心, 因為上面刻左你個名......見到你收到我的禮物感動到眼有淚光...我都好開心, 咁比心機準備禮物都係想見到你咁開心的一刻

12月24日......下午公司有christmas lunch.....同羊羊&野口的合照~~

食完lunch之後, 行左一陣街就返教會準備夜晚的佈道會, 其實我地成組一齊努力預備唔同的function, 之前有敬拜, 而家又有佈道會的其中一個環節.....真係好開心, 覺得大家好似fd左, 熟左好多, 仲可以一齊經歷神..真係好呀

野口同學都有黎到佈道會.....佢仲彈左一首歌比我聽, 好勁哦~~~

之後仲去左佈佳音, 都幾開心哦......我地玩到顛晒, 雖然好攰, 但係好開心~~~野口仲興奮到連鞋都甩埋~~~

佈完佳音仲有糖水飲.....正正正

最後仲去左旺角食埋宵夜先返屋企, 好開心~~~~好盡興, 有一班好朋友真係好呀~~~大家笑下叫下~~又影下相, 真係好開心

12月25日....前兩日都玩到好夜, 今朝竟然睇早塲, 睇伽俐略!!!!! 真係超眼訓呀....

之後就去左羊羊屋企到攪我地個"宮崎會", "宮崎會" 其實係我同幾個fd一齊睇宮崎駿的卡通片.....因為大家都好鍾意, 所以就買vcd一齊响屋企睇喇, 不過今日只係睇左一套 "夢幻街少女".....正呀!!!!!我都要努力追求自己的夢想!!!!!

不過今晚叫左外賣好耐都未到, 攪到大家都有點唔高興......破壞左我地開心的氣氛哦~~~

12月26日 ...... 今日去左城門水塘退修 (其實只係長小小的靈修, hahahahaha, time is limited~~), 之後去左kate姐屋企打邊爐, 玩得好開心哦, 真係好開心.......一齊玩wii.....玩到隻手超痺, 大家都好興奮呀!!!!!

打邊爐又成枱都係嘢食, 超好味....

食完飯就交換禮物喇, hahahahahha, 好爆笑囉, 大家都好鍾意自己買的禮物......helen姐仲勁鍾意嘉誠買的頸巾......不過比candy抽中左, hahahaha

有你地真好哦~~~~~

因為12月公司激忙, 所以都無乜時間寫日記.....呢個係sasa12月13日生日的相了, 而家先post出黎.....sasa生日快樂哦~~~

好大的生日蛋糕.....呢個蛋糕真係好靚~~~

個barbie拎左出黎就變左咁~~~

生日快樂!!!!!

希望我地一班fd可以keep到個friendship落去啦~~~唔會變~~

                                                 ********** 

                                  圍圍呢期身體唔係咁好, 好担心佢呢

                                              要為佢恆切地禱告哦

                                                  **********

呢幾日都幾辛苦........野口同學知道我辛苦, 所以一早就請左呢支畫左公仔的嘢比我飲....

好感動呢......邊捨得飲呀~~~~

之後到差唔多放工時, 嘉惠妹妹又突然送左一包愛心糖糖比我呢~~~因為佢知我呢期壓力大哦~~

ooooooo實在太感動喇~~~兩樣我都放晒响枱頭, 唔捨得食哦

thanks wild mouth & sasa, love you two so much ar~~~~